12.15 கார்பாக்சிலிக் அமிலங்கள் மற்றும் அதன் பெறுதிகளின் பயன்கள்#
ஃபார்மிக் அமிலம்#
i) தோல் பொருட்களை உலரவைக்கப் பயன்படுகிறது.
ii) இரப்பர் பாலை கெட்டிப்படுத்தப் பயன்படுகிறது.
iii) மருத்துவத் துறையில் கீழ்வாத நோயை குணப்படுத்தப் பயன்படுகிறது.
iv) புரைதடுப்பானாகவும், பழச்சாறுகளை பதப்படுத்தவும் பயன்படுகிறது.
அசிட்டிக் அமிலம்#
i) சமையல் வினிகராகப் பயன்படுகிறது.
ii) இரப்பர் பாலை கெட்டிப்படுத்தப் பயன்படுகிறது.
iii) செல்லுலோஸ் அசிட்டேட் மற்றும் பாலிவினைல் அசிட்டேட் ஆகியவற்றை தயாரிக்கப் பயன்படுகிறது.
பென்சாயிக் அமிலம்#
i) தூய நிலை பென்சாயிக் அமிலம் அல்லது சோடியம் பென்சோயேட் ஆகியன உணவு பதப்படுத்திகளாகப் பயன்படுகின்றன.
ii) மருத்துவத்துறையில் சிறுநீரக புரை தடுப்பானாகப் பயன்படுகிறது.
iii) சாயங்கள் தயாரிப்பில் பயன்படுகிறது.
அசிட்டைல் குளோரைடு#
i) கரிம தொகுப்பு வினைகளில் அசிட்டைலேற்றக் காரணியாகப் பயன்படுகிறது.
ii) கரிம சேர்மங்களிலுள்ள $-\text{OH}$, $-\text{NH}_2$ தொகுதிகளை கண்டறியவும், அளந்தறியவும் பயன்படுகிறது.
அசிட்டிக் அமில நீரிலி#
i) அசிட்டைலேற்றக் காரணியாகப் பயன்படுகிறது.
ii) ஆஸ்பிரின் மற்றும் பினசிடின் போன்ற மருந்துகள் தயாரிப்பில் பயன்படுகிறது.
iii) செல்லுலோஸ் அசிட்டேட் மற்றும் பாலி வினைல் அசிட்டேட் போன்ற பிளாஸ்டிக்குகள் தயாரிப்பில் பயன்படுகிறது.
எத்தில் அசிட்டேட்#
i) செயற்கை பழச்சாறுகள் தயாரிக்கப் பயன்படுகிறது.
ii) மெருகுப் பூச்சுகளுக்கு கரைப்பானாகப் பயன்படுகிறது.
iii) எத்தில் அசிட்டோஅசிட்டேட் போன்ற கரிம தொகுப்பு காரணிகளை தயாரிக்கப் பயன்படுகிறது.